Vida Repatriación

En caso de falecemento do Asegurado acaecido dentro do territorio español, os gastos postmortem e ataúde indispensables para o transporte ou repatriación do asegurado dende o lugar do falecemento no territorio español, ata o aeroporto internacional máis próximo ao lugar de inhumación no país de nacionalidade ou, no seu caso, no país de orixe.

Tamén están cubertos os gastos ocasionados con motivo do traslado do falecido dende o aeroporto internacional do país de destino ata o lugar do enterramento, asumindo tódalas formalidades necesarias para levalo a cabo.

Os familiares do asegurado falecido en territorio español (cónxuxe, ascendente ou descendente en primeiro grao, irmán ou irmá por esta orde) poderán designar unha persoa, a cal terá dereito a un billete de ida e volta (avión clase turista ou tren en 1ª clase) dende o país de orixe ata España, ou viceversa, para acompañar os restos mortais dende o lugar onde acaecese o falecemento, ata o lugar de inhumación no país de orixe.

1) Asesoramento legal:

Información telefónica sobre os dereitos e obrigas que como inmigrante goza en

España como país de residencia. O asesoramento centrarase tamén na normativa legal propia da comunidade autónoma na que habita. Un avogado colexiado asesorarate sobre cuestións de ámbito xeral que afecten a súa vida diaria (relacións laborais, vivenda, veciñanza, etc.).

2) Asesoramento de trámites:

Informarase o asegurado sobre documentación necesaria a achegar nos principais trámites (permiso de residencia, permiso de traballo, etc.) e onde realizalos.

3) Asesoramento informativo:

A través dun servizo de información telefónica 24 h ao día/365 días, informarase sobre a localización na poboación de residencia de centros relixiosos, consulados e embaixadas, servizos ao cidadán da poboación onde reside, transportes públicos e centros hospitalarios.