Inclúe as seguintes garantías: Responsabilidade civil obrigatoria, Responsabilidade civil voluntaria e Protección xurídica.

 Protección xurídica:

• Defensa penal e fianzas
• Defensa de infraccións administrativas de tráfico
• Reclamación de danos
• Asesoramento xurídico telefónico

Accidentes persoais do condutor:

• Capital de falecemento, ata o capital contratado
• Capital de invalidez, ata o capital contratado
• Gastos de asistencia sanitaria

Asistencia confort só para ciclomotores e cuadriciclos

As garantías básicas contratadas, agás a de asistencia en viaxe, producen efecto en:

Tódolos países que integran o Espazo Económico Europeo; tódolos estados adheridos ao Convenio Multilateral de Garantía (Alemaña, Andorra, Austria, Bélxica, República Checa, Chipre, Croacia, Dinamarca, Eslovaquia, Eslovenia, España, Francia, Finlandia, Gran Bretaña e Irlanda do Norte, Irlanda, Grecia, Holanda, Hungría, Islandia, Italia, Letonia, Lituania, Luxemburgo, Malta, Noruega, Polonia, Portugal, Suecia e Suíza). A cobertura esténdese aos estados adheridos ao Convenio Inter-Bureaux, para o cal hai que solicitar previamente o certificado internacional de seguro "Carta Verde".

As garantías opcionais, España.

A garantía de asistencia en viaxe produce efecto:

• Respecto ás prestacións a persoas, en todo o mundo.
• Respecto ás prestacións do vehículo, en Europa e países limítrofes do Mediterráneo

Durante a vixencia do contrato de seguro débenos informar por escrito de calquera modificación da información que lle solicitamos ao contratar o seguro, así como da existencia doutros seguros que garantan algunha das prestacións deste contrato.

En caso de accidente:

• Debe comunicárnolo á maior brevidade, dentro do prazo máximo de sete días, e facilitarnos toda clase de información sobre as circunstancias e consecuencias.
• Debe empregar tódolos medios ao seu alcance para minorar os resultados do accidente 

A entrada en vigor do contrato comezará e finalizará, agás prórroga, na data e a hora indicadas nas condicións particulares, sempre que se aboase o primeiro recibo.