A TAE (taxa anual equivalente) é o tipo de xuro que indica canto nos vai custar un préstamo ou canto gañamos cun produto de aforro.
A taxa anual equivalente calcúlase cunha fórmula que toma en conta o tipo de xuro que che cobran (TXN), cantas veces ao ano tes que facer pagamentos (poden ser mensuais, cada tres meses, anuais, etc.) e as comisións bancarias. Xuntando todo isto, a TAE dános unha porcentaxe clara que podemos usar para comparar diferentes produtos financeiros e escoller o mellor para nós. É importante saber que, para os préstamos, a TAE non inclúe os custos que poden xurdir se non pagamos a tempo e tampouco certos gastos adicionais, como os de notaría.
No caso dos préstamos ou créditos de xuro variable, a TAE calcúlase supoñendo que o tipo non varía e se mantén como está no momento de facer o cálculo. A isto chámaselle “TAE Variable” e o seu propósito é só informativo porque o xuro está suxeito a cambios no tempo.1
En España é obrigatorio que a taxa anual equivalente se amose en tódolos documentos e anuncios de produtos financeiros. Isto é para asegurar que os clientes sempre teñan a información que precisan para tomar decisións.2
Fontes:
11 BBVA (s.f) ¿Qué es la TAE? https://www.bde.es/wbe/es/
2 Instituto de Estudios Bursátiles. ¿Qué son el TIN y el TAE? https://www.ieb.es/
