O patrimonio neto é o conxunto de bens e dereitos que posúe unha persoa ou unha empresa, descontando as débedas.
Estes bens denomínanse activos. Os activos clasifícanse en correntes e non correntes segundo se se poden converter en diñeiro nun prazo de doce meses. Por exemplo, para unha tenda de comestibles, os seus produtos serán activos correntes, mentres que o local que mercasen será un activo non corrente.
Por outro lado, as débedas coñécense como pasivos. Xeralmente, unha persoa ou empresa contrae unha débeda para pagar un activo. Seguindo co exemplo anterior, un pasivo sería a hipoteca que o dono da tenda de comestibles pediu para poder mercar o seu local. Os pasivos poden ser de curto ou longo prazo, segundo deban pagarse en menos de 1 ano ou en máis.
A regra para calcular o patrimonio neto é a seguinte: Activo - Pasivo = Patrimonio neto.
Saber cal é o teu patrimonio neto é importante para medir a túa estabilidade financeira e tomar decisións axeitadas á hora de investir.
Fontes:
Agencia Tributaria - Como se determina el Patrimonio Neto https://sede.agenciatributaria.gob.es/
Unir - La Universidad en internet - ¿Qué es el patrimonio neto y cómo se calcula? https://www.unir.net/
