Os dividendos son unha parte dos beneficios dunha empresa que se reparten regularmente entre os accionistas. Poden pagarse en efectivo ou en accións.
Cando unha empresa vai pagar un dividendo, existen catro datas importantes:
- Data da declaración: nesta data, a xunta directiva da compañía anúncialles aos accionistas e ao mercado que se vai pagar un dividendo.
- Data ex-dividendo: a partir desta data, calquera persoa que merque a acción non recibirá o dividendo. Pola contra, a persoa que venda a acción despois desta data recibirá o dividendo aínda que xa non teña a acción.
- Data de rexistro: nesta data, suspéndese calquera transferencia de accións ata que se realizasen os pagamentos.
- Data de pagamento: esta é a data na que a empresa envía o pagamento do dividendo.
É importante salientar que non tódalas compañías pagan dividendos, dado que algunhas reinvisten tódalas súas ganancias para seguir a medrar. Porén, moitas o fan como un tipo de recompensa para os seus investidores.
Fontes:
https://www.eleconomista.es/diccionario-de-economia/dividendo
https://economictimes.indiatimes.com/definition/dividend
