Por desgravar entendemos a redución dunha cantidade respecto á base ou á cota dun tributo.1 É dicir, ao desgravar, reducimos a cantidade total de ingresos a declarar que están suxeitos a impostos. Isto faise cando realizas a túa declaración da renda, pero convén informarse correctamente de qué podes desgravar, xa que Facenda sanciona os contribuíntes que o realizan de xeito incorrecto.
En xeral, as desgravacións fiscais adoitan aplicarse a gastos relacionados con investimentos ou os necesarios para a obtención de ingresos.2 Tamén é posible desgravar determinados seguros como o de vida ou o do teu automóbil (baixo unhas circunstancias concretas)3, plans de pensións, mutualidades, pensións compensatorias, etc.
Aínda que parecen o mesmo cás deducións fiscais, as desgravacións son diferentes porque nos axudan a baixar a cantidade sobre a que calculamos os impostos. Por exemplo: se gañamos 25.000 euros, sobre esa cantidade calcularíamos o que temos que pagar. Pero se podemos desgravar 1.000 euros, entón calculamos os impostos sobre 24.000 euros. A esta cantidade nova chamámola base líquida ou cota íntegra, e é sobre esta sobre a que aplicamos as deducións.
Fontes:
1RAE (2001) Desgravar. https://www.rae.es/
2 2 Defez Asesores (s.f) ¿Es lo mismo desgravar que deducir? https://defezasesores.es
3 López, V. (2024) Estos son los seguros que podrás desgravar en la Declaración de la Renta este 2024. https://www.abc.es/
