Asigna

Asigna é un seguro de vida en unidades de conta dispoñible en dúas modalidades de contratación.

Modalidade Seguro de investimento global

Personaliza unha carteira que se axuste ás túas necesidades entre as opcións de investimento dispoñibles en cada intre e xestionadas polas xestoras internacionais de maior prestixio.

Poderás cambiar a selección de fondos de investimento libremente sen gastos e sen impacto fiscal, e ademais disporás de información personalizada para seleccionar os fondos que mellor se axusten ás túas necesidades.

Así mesmo, tes unha ampla gama de fondos de investimento responsable (ESG, polas súas siglas en inglés) para que poidas crear a túa carteira gozando da excelente rendibilidade que estes ofrecen e xerar un impacto social, medioambiental e de gobernanza positivo no noso medio.

Adicionalmente, poderás activar algunha das súas opcións contractuais:

• iProtect: a protección que precisas para investir con tranquilidade.
  
  Asigna conta co exclusivo servizo de Cobertura iProtect, unha solución innovadora que protexe o 85% do teu investimento, incluídas as revalorizacións da túa carteira, permitíndoche así xestionar a túa carteira de investimento controlando mellor os riscos. O servizo iProtect está dispoñible para unha ampla oferta de fondos e tamén para 2 carteiras modelo. A contratación desta protección é opcional, pódese activar ou desactivar en calquera intre.
   
• Xestión delegada: xestores especializados ao servizo do teu investimento
  
  Asigna conta co servizo de Xestión delegada, mediante o cal investiremos os teus aforros axustándonos á estratexia de investimento que selecciones. En Xestión delegada dispós de 4 estratexias de investimento, dende a máis conservadora á máis agresiva. As estratexias de investimento teñen ampla liberdade de acción con respecto á asignación de activos, sendo a máxima asignación de renda variable a seguinte para cada estratexia de investimento: 20% na tranquila, 55% na moderada, 70% na crecente e 95% na decidida.

Modalidade iProtect SIALP

Seguro individual de aforro a longo prazo (SIALP) baixo a protección de iProtect. Adicionalmente á garantía do 85% que AXA outorga aos 5 anos da emisión do contrato, iProtect SIALP ten a gran vantaxe de protexer o 85% do investimento e os beneficios que se vaian obtendo en calquera intre.

En iProtect SIALP a partir do 5º ano non terás que pagar impostos sobre os rendementos obtidos.

A carteira de fondos vencellada á modalidade iProtect SIALP, carteira modelo composta por un 60% de renda variable, está xestionada por Architas e ten un forte compoñente de investimento socialmente responsable (ESG, polas súas siglas en inglés). O investimento socialmente responsable é unha disciplina de investimento que ten en conta criterios medioambientais, sociais e de gobernanza empresarial para xerar rendementos financeiros competitivos a longo prazo e impacto social positivo.