Ibilgailu industrialen asegurua

Berme hauek ditu: Derrigorrezko erantzukizun zibila, Borondatezko erantzukizun zibila eta Babes juridikoa.

Kontratatutako oinarrizko bermeak herrialde hauetan balio dute, bidaia-asistentzia izan ezik:

Europako Ekonomia Eremua osatzen duten herrialde guztiak; Bermearen Hitzarmen Aldeanitzari atxikitako estatu guztiak (Alemania, Andorra, Austria, Belgika, Txekiar Errepublika, Zipre, Kroazia, Danimarka, Eslovakia, Eslovenia, Espainia, Frantzia, Finlandia, Britainia Handia eta Ipar Irlanda, Irlanda, Grezia, Holanda, Hungaria, Islandia, Italia, Letonia, Lituania, Luxenburgo, Malta, Norvegia, Polonia, Portugal, Suedia eta Suitza). Inter-Bureaux Hitzarmenari atxikitako estatuetara hedatzen da estaldura, baina kasu horretan, aldez aurretik, “Gutun berdea” aseguruaren nazioarteko ziurtagiria eskatu behar da.

Aukerako bermeak, Espainia.

Bidaia-asistentziaren bermea indarrean sartzen da:

• Pertsonei prestazioak emateari dagokionez, mundu osoan.
• Ibilgailuaren prestazioak emateari dagokionez, Europan eta Mediterraneoan mugakide diren herrialdeetan

Aseguru-kontratua indarrean dagoen bitartean, asegurua kontratatzeko unean eskatu dizugun informazioa aldatuz gero, idatziz jakinarazi behar diguzu, baita kontratu honen prestazioak bermatzen dituzten beste aseguru batzuk badaude ere.

Istripuren bat gertatuz gero:

• Ahal bezain laster jakinarazi behar diguzu, eta gehienez ere zazpi eguneko epean, eta gertaerei eta ondorioei buruzko informazio oro eman behar diguzu.
• Eskura dituzun bitarteko guztiak erabili behar dituzu, istripuaren emaitzak txikitzeko 

Kontratuaren baldintza partikularretan adierazitako datan eta orduan hasi eta amaituko da kontratua, luzapenak daudenean salbu, eta lehen ordainagiria ordaindu bada.