¿Has solicitado algún presupuesto anteriormente?
RECUPERAR PRESUPUESTONola sor dezakezu erreserba-funts eraginkor bat?
Finkatu zure helburuak
Hasteko, zehaztu zenbat diru aurreztu nahi duzun zure erreserba-funtsean. Abiapuntu ona oinarrizko gastuen 3-6 hilabete gutxienez estalita izatea da. Ebaluatu zure premia eta inguruabarrak zuretzat egokia den kopurua zehazteko.
Sortu aurrekontu bat
Berrikusi hileroko zure diru-sarrera eta gastuak identifikatzeko gastuak zer esparrutan murriztu ditzakezun eta zure diru-sarreren zati bat aurrezpenera bideratzeko. Ziurtatu zure hileroko aurrekontuan zure erreserba-funtserako atal espezifiko bat gaineratzea.
Automatizatu zure aurrezkiak
Finkatu zure diru-sarreren zati bat hilero zure erreserba-funtseko kontura bideratzeko transferentzia automatiko bat. Hori lagungarri izango zaizu modu jarraituan eta diziplinaz aurrezteko, gehiegi pentsatu beharrik gabe.
Bilatu etekinak
Aintzatetsi etekinak eskainiko dizkizuten aurrezteko aukerak, esate baterako, etekin handiko aurrezki-kontuak edo gordailu-ziurtagiriak. Zure erreserba-funtsaren helburu nagusiak irisgarritasuna eta segurtasuna badira ere, zure dirua haztea eragiteko aukerak ere bila ditzakezu.
Mantendu diziplina
Ez erabili zure erreserba-funtsa planifikatu gabeko edo beharrezkoak ez diren gastuetarako. Eutsi hartara jotzeko gogoari, beharrezkoa ez bada. Gogoan izan funts horren asmoa larrialdietarako prest egotea dela, eta ez gastu bulkadatsuak egiteko.
Eta nire erreserba-funtsa behar badut?
-
Ebaluatu zure premia
Zure erreserba-funtsa erabili aurretik, ebaluatu arretaz zure egoera benetan larrialdizkoa edo ustekabeko gastua den. Ziurtatu beharrezkoa dela eta justifikatu aurreztu dituzun baliabideen erabilera.
-
Sartu funtsetan
Bideratutako aurrezki-kontu bat baduzu, zure kontu-korrontera transferentzia egin dezakezu. Erreserba-funtserako aparteko kontu-korronte bat baduzu, erabili kontu horretako funtsak, besterik gabe.
-
Erabili soilik beharrezkoa dena
Erabili soilik larrialdia edo ustekabeko gastua estaltzeko beharrezkoa den kopurua. Saihestu behar dena baino gehiago xahutzea erreserba-funtsean dagoen gainerako kopurua gorde eta etorkizunean gerta litezkeen gorabeheretarako mantentzeko.
-
Birjarri erreserba-funtsa
Behin zure erreserba-funtsa erabili duzunean, garrantzitsua lehenbailehen hura birjartzeko konpromisoa hartzea. Gainera, ekarpen gehigarriak egiteko plan bat ezar dezakezu.
