Banku-mailegu bat eskuratzen duzunean edo finantza-erakunde batean dirua uzten duzunean, "interes" deitzen diogun kostu edo onura bat sortzen da. Kontratu bat sinatzean, interesa mailegu bat hartu baduzu ordaintzen duzun ehuneko bat da, edo, inbertsio bat egin baduzu, jasotzen duzun ehuneko bat. Erabakitzen dituzun baldintzen arabera, diru hori beti berdina izan daiteke edo alda daiteke.
Izenak adierazten duen bezala, interes finkoa egonkor mantentzen da maileguaren indarraldi osoan: kontratua sinatzen denetik zorra kitatzen den arte. Adibidez, urteko % 3ko interes-tasa finkoa duen hipoteka bat eskatzen baduzu, ehuneko hori ordainduko duzu mailegua amaitu arte.
Hala ere, finantza-munduan, merkatua alda daiteke banku zentralek interes-tasei edo inflazioari buruz hartutako erabakien ondorioz. Aldaketa horiek interes aldakorreko mailegu edo inbertsioei eragiten diete. Adibidez, zure hipotekak merkatuko interes-tasak baino % 2 interes aldakor handiagoa badu (demagun % 4koa dela), hasieran % 6 ordainduko zenuke. Baina merkatu-tasa % 5era igotzen bada, zure interesa % 7ra igoko litzateke.
Interes finkoak aukera ematen dizu zehazki zenbat ordainduko duzun jakiteko, eta horrek segurtasuna ematen dizu. Bestalde, interes aldakorrak gutxiago ordaintzea eragin dezake baldintza ekonomikoak zure alde aldatzen badira, baina gehiago ordaintzeko arriskua ere badago.1
Iturriak:
11 BBVA (s.f) ¿Cuáles son las diferencias entre los distintos tipos de interés? https://www.bbva.com/
