Zerga-kenkariek ordaindu beharreko zerga murrizten dute eta bi motatan sailkatzen dira.

1. Kenkari orokorrak: legeak zehaztutakoak dira eta zergak ordaindu eta kenkari horretarako zehaztutako baldintzak betetzen dituzten herritar guztiei aplikatzen zaizkei.

2. Kenkari autonomikoak: autonomia-erkidego bakoitzak zehazten ditu eta erkidego horretan bizi diren zergadunak balia daitezke.¹

Herritarrek –edo pertsona fisiko ere deitzen zaie- eta enpresek balia ditzakete kenkariak. Autonomoek BEZaren, bidaien edo lokalaren alokairuaren gastuak kendu ohi dituzte. Enpresek kenkariak lor ditzakete lanpostuak sortzen badituzte edo kultura-jarduerak babesten badituzte. Azkenik, pertsona fisikoentzat, kenkaririk ezagunenak amatasuna, familia ugaria, baliaezintasuna edo dohaintzak dira.²

Pertsona Fisikoen Errentaren gaineko Zergaren (PFEZ) urteko kuotan, lehenik zenbateko bat deskontatzen duzu eta, gainerakoaren gainean, kenkariak aplikatuko dituzu. Egiaztagiri bat (adibidez, faktura bat) eduki behar duzu eta lau urte baino gutxiago pasatu direla ziurtatu behar duzu aplikatu ahal izateko.³

Iturriak:

¹Zerga Agentzia (s.f) Glosarioa. https://www.agenciatributaria.es/
² Banco Santander (2022) Zer dira zerga-kenkariak eta nola lor ditzakegu? https://www.santander.com/es/
³ Zerga-agentzia (2023) Noiz kendu behar da? https://sede.agenciatributaria.gob.es/