Para evitar este tipo de situacións hai que ter en conta algunhas recomendacións:

• Revisa periodicamente a instalación eléctrica da túa vivenda, para garantir que se atopa en bo estado e previr posibles derivacións.
• Utiliza fusibles axeitados para o sistema eléctrico instalado. Non substitúas xamais un fusible cun arame, a maioría dos incendios con orixe eléctrica prodúcense por esta causa.
• Para desenchufar un aparello, non tires xamais do cordón senón da caravilla illante.
• Na cociña, procura utilizar os aparellos eléctricos lonxe do vertedoiro.
• Se un aparellos está derivado e dá corrente, desenchúfao inmediatamente e chama a un técnico.
• Se non tes os coñecementos suficientes sobre riscos eléctricos, non trates de reparar os equipos eléctricos.
• Non realices reparacións sen cortar a corrente nun automático.
• Antes de limpar ou reparar un aparello, desconéctao.
• Para cambiar unha lámpada, cortar o interruptor non é suficiente.
• Non utilices aparellos eléctricos coas mans molladas ou os pés na auga.
• Non abuses dos prolongadores e non os deixes enchufados sen un equipo conectado.

Aconsellámosche adoptar unha serie de medidas que axuden a previr posibles danos:

• Verificar as condicións meteorolóxicas.
• Pechar e asegurar portas, fiestras e toldos.
• Retirar todos aqueles obxectos que poidan caer á rúa e provocar accidentes, que nalgúns casos poden ser graves.
• Afastarte de cornixas, muros ou árbores con risco de caída e adoptar precaucións diante de edificacións en construción ou en mal estado.
• Evitar, en zonas próximas a praias, aqueles lugares que poidan verse afectados polas mareas e poidan arrastrar obxectos e persoas.
• Suxerímosche evitar os desprazamentos pola estrada e, en caso de resultar necesarios, extremar as precaucións.

Para evitar filtracións de auga polos tellados, o máis importante é:

• Afastar as pólas de árbores próximas á vivenda. Estas poden causar non só fisuras, senón tamén gretas e filtracións de auga.
• Tamén é común a aparición de fungos en períodos de moita humidade. Reprodúcense con facilidade e, pouco a pouco, van deteriorando a tella e facendo que haxa fendas polas que se filtre a auga de chuvia. Inspeccionar periodicamente a cuberta evitaría este tipo de situacións.
• Instalacións de antenas perforando a cuberta da vivenda. Sempre hai que contratar os servizos de profesionais especialistas neste tipo de instalacións.
• Tellas levantadas polo vento e nunha posición incorrecta. Para evitalo, é importante revisar periodicamente o estado de conservación e a súa correcta colocación no teu aloxamento.
• Evitar a sucidade, a acumulación de follas, etc. nos desaugadoiros, xa que provocan a súa obstrución.
• Revisar a acumulación de neve nos ocos de ventilación da cuberta.
• Instalar adecuadamente as máquinas de aire acondicionado.

A continuación atoparás uns consellos para previr o roubo no teu domicilio:

• Pecha a porta sempre utilizando a chave, non só co pasador de golpe, posto que así pode abrirse facilmente.
• Instala na túa vivenda unha porta blindada. Se a túa porta non é blindada, procura que teña, polo menos, dous puntos de peche, e que non exista oco entre a porta e o chan. Reforza a parte das bisagras con pivotes de aceiro e ángulos metálicos que impidan apancar a porta. Instala miras panorámicas.
• Valora a posibilidade de instalar dispositivos electrónicos de alarma.
• Asegura as fiestras dos sotos con reixas.
• Se vives fóra do casco urbano, unha boa iluminación exterior e un can, convenientemente adestrado, son útiles medidas de disuasión.
• Non durmas coas fiestras abertas se non contas con medidas de seguridade.
• Deixa roupa tendida en caso de ausencias que non sexan moi prolongadas.
• Ante a presenza de marcas nas portas ou portais, ou ruídos non habituais en casas desocupadas, avisa o Corpo de Seguridade competente na zona.
• Se ves unha lámpada cortada, unha fiestra rota ou unha porta entreaberta, non entres. Chama a policía.
• Non abras mediante o porteiro automático a descoñecidos. Comprometes a túa seguridade e a dos teus veciños. Os vendedores, obreiros de servizos de auga, electricidade, gas teñen a obriga de acreditarse e podes verificalo telefonicamente. Se na tarxeta do empregado figura un número que non é o oficial, desconfía.
• Non deixes xamais as chaves agochadas na caixa do correo, testos, caixa de contadores, etc., xa que os ladróns poden localizalas con relativa facilidade.
• Se o piso se lle mercou a outro propietario, ou se é de nova construción, perdeu as chaves ou subtraéronllas, é aconsellable cambiar o bombín da fechadura.

Se te ausentas do teu domicilio durante un período prolongado:

• Comproba que portas e fiestras están ben pechadas.
• Non baixes totalmente as persianas.
• Non deixes obxectos de valor nin cartos. E se non hai máis remedio, lembra mantelos nun lugar seguro.
• Fai unha relación detallada de cámaras, vídeos e doutros aparellos cos seus números de serie para facilitar a súa identificación. Fotografía xoias e obxectos de valor.
• Non divulgues a túa ausencia.
• Non deixes sinais visibles de que a túa vivenda está desocupada.
• Non desconectes totalmente a electricidade. O timbre da porta desconectado é un indicio de ausencia.
• Comunícalles só aos máis achegados onde poden localizarte.
• Pídelle a un veciño ou persoa de confianza que recolla o correo da caixa do correo, comprobe o estado da vivenda, acenda ocasionalmente algunha luz, conecte a radio ou o televisor, etc.

Desafortunadamente, os roubos de vehículos e de obxectos nestes son moi frecuentes. Aquí podes atopar uns consellos para previlos:

• Comproba que as portas e o maleteiro quedan ben pechados e os vidros subidos cando baixes do coche.
• Non deixes obxectos de valor á vista.
• Aparca o teu vehículo en zonas ben iluminadas e, a ser posible, transitadas.
• Se aparcas nun garaxe comunitario, espera a que a porta quede pechada, deste modo evitamos a entrada de persoas alleas á comunidade.
• Coloca algún dispositivo visible de seguridade.
• Xamais deixes as chaves do teu domicilio no interior do vehículo.
• Sé discreto cando poñas obxectos no maleteiro.
• Se tes instalado un aparello de radio extraíble, retira a carcasa cada vez que te ausentes do vehículo.
• Viaxa coas portas bloqueadas, os semáforos son os lugares perfectos para que che poidan subtraer o bolso ou outros obxectos dos asentos ou maleteiro.
• Se, a pesar de tódalas precaucións, che subtraen o vehículo ou os obxectos do seu interior, non toques o coche e acude á comisaría de policía a denunciar o feito e sigue os consellos dos técnicos policiais.

Momento do sinistro: tiveches un sinistro? Sabes como actuar? Nós axudámoste

• No caso de existir algún lesionado avisa as autoridades ou servizos de asistencia médica (chama ao 112).
• Utiliza o parte amigable (podes descargalo no apartado "Parte do Sinistro – Parte amigable") para anotar os datos relacionados co accidente (data, lugar de acaecemento, datos de testemuñas, etc.), así como os datos de tódolos intervenientes (matrícula, marca e modelo, compañía de seguros e nº de póliza, nome, domicilio e teléfono do condutor...).
• Asegúrate de marcar correctamente as casas de circunstancias e de que o condutor contrario marcase tamén as súas.
• Debuxa un esbozo que estableza as circunstancias do sinistro.
• Asina o parte amigable só se estás plenamente conforme coa totalidade dos feitos descritos neste.
• Non modifiques nada unha vez separadas as copias, en caso de ter que realizar algunha aclaración podes facelo no reverso.
• Comunícalle e envíalle o parte o antes posible a AXA . Podes facelo a través da web cliente (clientes.axa.es) accedendo ao apartado "Parte do sinistro - Dar un parte pola web" ou ben a través do teu axente.

Que información preciso recoller. Cada sinistro é distinto. Consulta que tipo de información debes facilitarnos para a correcta xestión do teu sinistro

• Data de sinistro.
• Lugar de acaecemento.
• Versión dos feitos: dispor do parte amigable asinado permitiranos acelerar a xestión do teu sinistro. Podes contactar connosco no apartado "Parte do sinistro - Dar un parte pola web", a través da túa axencia ou nos teléfonos 24 horas 900 90 90 72 / 91 807 00 50.
• Vehículo asegurado: matrícula e danos.
• No caso de existir contrario: matrícula, marca e modelo, compañía de seguros e nº de póliza, datos do condutor (nome, enderezo e teléfono) e danos. Se existe máis dun contrario, debes encher un parte con cada un deles, deixando identificado en cada parte amigable a existencia de tódolos vehículos implicados.
• AXA pon á túa disposición a nosa rede de talleres para a reparación do teu vehículo. Podes localizar o teu taller AXA Calidade máis próximo e consultar as vantaxes que che ofrecen estes no Centro de sinistros desta mesma web.

Xestión do teu sinistro. Quizais precises reparar o teu coche ou che roubasen algo. Calquera que sexa o teu sinistro, informámoste das xestións a realizar:

Danos propios sen contrario / Danos por roubo / Incendio / Vidros

• Se aínda non encargaches peritaxe para o teu vehículo, debes contactar con AXA. Podemos ofrecerche a nosa rede de talleres AXA Calidade.
• Unha vez valorados os danos do teu vehículo, daráselle a orde de pagamento ao taller (se estes corresponden ao sinistro declarado e non se considerasen Perda total) para reparar os danos sen que ti teñas que ocuparte de nada, nin adiantar o importe da reparación.
• E se non quedas satisfeito coa reparación, ofrecémosche unha solución personalizada en calquera dos talleres da nosa rede a nivel nacional.
• No caso de danos por roubo, debes denunciar ante a autoridade competente o intento de roubo do teu vehículo, facendo constar os danos causados neste e/ou pezas ou accesorios subtraídos. Unha vez realizada a denuncia debes enviárnola. Se aínda non o fixeches, podes remitila a través do apartado "Parte do sinistro - Dar un parte pola Web".

Roubo total

• Debes denunciar ante a autoridade competente a subtracción do teu vehículo e remitirnos a copia da denuncia a través do apartado "Queres darnos un parte?". Se o teu vehículo está equipado cun sistema de localización, debes contactar coa empresa correspondente para informalos da subtracción.
• Se no prazo de 30 días dende a notificación do roubo o teu vehículo non se recuperou, poderá tramitarse a indemnización unha vez que nos remitas a documentación necesaria (sempre que teñas contratada a garantía de roubo) que che achegaremos por correo certificado.
• Que tes que facer se recuperas o vehículo? Debes comunicárnolo o antes posible achegando a acta policial de recuperación ou a súa comparecencia retirando a denuncia de roubo. Este documento debes enviárnolo a través do apartado "Queres darnos un parte?".
• Se o vehículo presentase danos, podemos ofrecerche

En tódolos casos podes realizar o seguimento do teu sinistro no Centro de sinistros / Consulta de sinistros da web cliente (clientes.axa.es).

AXA acompáñate. Aínda que a xestión do sinistro estea rematada, podes contar con AXA

• AXA segue a acompañarte en todo aquilo que precises: novos produtos ou servizos.
• Xa sexa a través do teu mediador de seguros, quen te asesorará persoal e eficazmente sobre todas aquelas necesidades aseguradoras, ou a través da nosa web onde tes toda a información referente aos produtos e servizos que tes á túa disposición.
• Lembra tamén que, a través da web clientes (clientes.axa.es), non só podes tramitar o teu sinistro senón que tamén podes consultar outra información referente aos seguros contratados: pirámide patrimonial, centro de saúde AXA, certificados fiscais, recibos, contratos...
• E aínda hai máis. Se o desexas, dispós do servizo "AXA Contigo" onde a través de teléfonos smartphone (iPhone e teléfonos con sistema Android) podes declarar sinistros de auto, fogar, comercio, comunidades e oficinas.

Aconsellámosche que evites os desprazamentos pola estrada se non é estritamente necesario. En caso de non poder evitalo, indicámosche algunhas recomendacións:

• Non esquezas levar o teléfono móbil cargado.
• Consulta as previsións meteorolóxicas oficiais.
• Leva contigo unhas mantas e mantén o depósito do teu vehículo cheo.

Para evitar este tipo de incendios, recompilamos uns consellos básicos para previr, minimizar e evitar estas situacións:

• Pasar as revisións oficiais, ITV, no prazo correspondente segundo o tipo de vehículo e a súa antigüidade.
• Mantemento periódico e axeitado do vehículo, segundo as recomendacións dos fabricantes, dependendo da quilometraxe ou o tempo, a antigüidade do vehículo, o tipo de condución e a utilización deste.
• De acordo coa información da Asociación Nacional para a Protección de Incendios, só o 3% destes incidentes son consecuencia dun choque e estes débense xeralmente ao combustible derramado ou o uso incorrecto de sinais luminosos.
• Revisar que non haxa algunha perda de enlaces ou cables soltos, algo que pode acaecer despois de saír dun taller mecánico.
• Estar alerta ante filtracións de líquidos debaixo do vehículo. Pode ser por mangueiras rotas ou agretadas ou por cambios bruscos de temperatura do motor. Levalo ao mecánico o máis pronto posible.
• Revisar os indicadores do cadro de control do vehículo, sobre todo o da temperatura.

É conveniente adoptar unhas medidas preventivas para garantir unha condución segura e reaccionar ante os imprevistos na circulación:

• Estar atento aos sinais de tráfico que nos alertan de perigo polo paso de animais.
• Circular a unha velocidade axeitada ás circunstancias da vía.
• No caso de observar que un animal irrompe na calzada, frear con firmeza, evitando dar un golpe de volante. (Para impedir saírnos da calzada e colidir con outros vehículos). É preferible colidir co animal coa parte frontal do vehículo que tratar de evitalo e invadir o carril contrario, ou mesmo provocar unha saída da vía.
• Esta norma xeral tería unha excepción nos casos nos que conducimos un pequeno utilitario con contorno frontal inclinado ou corto, xa que nestes casos a colisión cun animal de grandes dimensións podería traer consecuencias graves para os ocupantes do vehículo.
• Circular coa máxima atención ao amencer, luscofusco e en circunstancias atmosféricas adversas.
• Ter presente que moitos animais se moven en manda, polo que é posible que non vaian sós.
• En caso de non poder evitar o sinistro, e pola túa seguridade, sinalizar o lugar do accidente.
• Unha vez producido o sinistro, avisar a autoridade competente para que verifique in situ as circunstancias do sinistro (tipo de animal, tipo de vía, couto, propietario do animal doméstico causante do dano, etc).

• Revisa a instalación: debes preocuparte se as luces diminúen a súa intensidade ou escintilan cando hai un artefacto conectado ou se os fusibles se queiman en forma continua.
• Mantén os cables eléctricos lonxe de superficies quentes.
• Hai que ter en conta que os cables eléctricos en mal estado - vellos, queimados, pelados, expostos á intemperie- son unha seria ameaza de accidente.
• Ter disxuntores (interruptores automáticos) de corrente é a mellor prevención, fronte a un curtocircuíto saltará a chave e cortará a corrente
• Antes de pechar o negocio, revisar que tódolos artefactos eléctricos estean desconectados.
• Almacenar e manexar coidadosamente os produtos inflamables, facer caso ás indicacións dos fabricantes e á normativa vixente.
• Ter un manual contraincendios que coñezan os empregados para saber como deben actuar en caso de sinistro

• Tenta manter os desaugadoiros limpos e, aos primeiros síntomas de obstrución, procede a desatascalos.
• Limpa os canos con materiais non abrasivos xa que poden danalos.
• Controla que non se boten ao inodoro restos de comida, cabichas, obxectos de hixiene persoal.
• Revisa e limpa periodicamente o bote sifónico.
• Protexe con filtros os sumidoiros dos desaugadoiros.
• Pecha a chave xeral de paso da auga cando te ausentes durante un período de tempo máis ou menos longo e sempre que detectes unha avaría.

• Tenta manter os desaugadoiros limpos e, aos primeiros síntomas de obstrución, procede a desatascalos.
• Limpa os canos con materiais non abrasivos xa que poden danalos.
• Controla que non se boten ao inodoro restos de comida, cabichas, obxectos de hixiene persoal.
• Revisa e limpa periodicamente o bote sifónico.
• Protexe con filtros os sumidoiros dos desaugadoiros.
• Pecha a chave xeral de paso da auga cando te ausentes durante un período de tempo máis ou menos longo e sempre que detectes unha avaría.

• Dota de sistemas de peche seguro tódolos accesos ao establecemento, incluídos os do almacén, patios, escaleiras e fiestras. Estes sistemas deben permitir a evacuación das persoas en caso de emerxencia.
• Instala un sistema de alarma visible dende o exterior e conectado a unha central de vixilancia concertada coa policía.
• Fai visibles tódolos elementos de protección dos que dispón o establecemento: alarmas, caixa de seguridade, extintores e mangueiras.
• Instala cristais de seguridade.
• Asegúrate de que non hai ninguén dentro do establecemento antes de pechar. Lembra conectar os sistemas de alarma.
• Mantén acendida algunha luz da fachada durante as horas nas que o establecemento permanece pechado. Disuadirá a manipulación de pechaduras e persianas.
• Colga o plano do percorrido de evacuación do plan de emerxencia, xa que en caso de precisarse facilitará as operacións tanto dos bombeiros como da policía.
• Considera o reforzo de espazos comúns (vestíbulos, escaleiras, etc.) ou elementos de separación (portas e tabiques) se o local está situado en contigüidade con outros edificios.
• Se o tipo de negocio o permite, é aconsellable instalar un sistema de timbre e control na apertura da porta de acceso, xa se trate dun pasador ou de sistemas de activación remota.
• É recomendable instalar un premedor de alarma silenciosa.
• Establece códigos de comunicación entre o persoal de maneira que en caso de que se produza calquera tipo de incidente se poidan comunicar sen alarmar os clientes.
• Valora a conveniencia de instalar sistemas que permitan ver tódolos recunchos do establecemento (espellos, cámaras, etc.), xa que, ademais de facilitar a vixilancia, son disuasivos.
• Dota de sistemas de protección mecánicos ou electrónicos os artigos expostos á venda e mantén fóra do alcance do público os de máis valor.
• Leva un rexistro dos artigos en exposición da tenda e dos que teñas no almacén. Axudarate a inventariar as perdas despois dun roubo.
• Non agardes para facer o reconto de caixa ao último intre, antes de pechar. É mellor que o fagas acompañado e nun sitio afastado da vista do público.
• Fixa un límite máximo de diñeiro na caixa rexistradora e, durante o día, vai retirando as cantidades de diñeiro que o excedan, deixando só o que precisas para devolver o cambio. Segundo as características do comercio, valora a conveniencia de instalar caixas de seguridade coa apertura codificada e retardada nun lugar ben visible ao público e coa indicación de que o persoal do establecemento non ten acceso a elas.

• Asegúrate de que a porta de entrada quede pechada.
• Para entrar ou saír do parking hai que esperar ata ver que pecha a porta. Así evitarás que alguén entre andando.
• Para evitar roubos nocturnos aconséllase pechar a porta con chave durante as noites. Así mesmo, mantén en bo estado o resto de accesos ao edificio (portas de terrazas, locais con acceso directo, etc.).
• Se dispós dunha caixa do correo externo para o correo comercial evitarás a entrada de estraños.

Danos por auga

• É aconsellable que a chave do cuarto de contadores a teña o presidente e algún veciño máis, por se hai fugas de auga durante as vacacións, para poder acceder ás chaves de paso.
• Aconsellar os veciños que, cando se ausenten de vacacións, pechen a chave de paso da vivenda.

Outros danos

• Realizar un mantemento anual das instalacións da comunidade co obxectivo de evitar accidentes, como escorregar. Repasar chanzos que poidan estar rotos, balcóns, fachadas, etc. Limpar a broza das terrazas. Poñer especial coidado nos canos vistos para evitar xeadas en inverno.
• Ter un extintor en cada andar e no garaxe, de cara a minimizar os danos en caso de incendio.
• Ter recollidos nun lugar visible os teléfonos de interese en caso de emerxencia, así como o de contacto da compañía aseguradora para utilizar en caso de necesidade.

Climatoloxía

• Antes dunha saída, estar informado dos avisos costeiros publicados na web da Axencia Estatal de Meteoroloxía.

Documentación

• O propietario da embarcación debe ter o correspondente Certificado de Navegabilidade, que acredite que pasou a correspondente ITB e cumpre coa lexislación vixente.

Estado da embarcación

• Para gozar da túa embarcación de maneira segura e sen contratempos inesperados, é importante realizar os mantementos preventivos seguindo o manual do fabricante.

Equipo e material obrigatorio

• Asegúrate de levar a bordo os equipos e material de seguridade de salvamento marítimo. É recomendable levar a bordo unha caixa de primeiros socorros.

En caso de emerxencia

• Lembra levar o teléfono de Salvamento Marítimo 900 202 202 canle 16 VHF.

• Respectar sempre o Regulamento Internacional para previr as abordaxes no mar.
• Manter unha vixilancia eficaz (auditiva e visual).
• Escoitar permanentemente a Canle 16 de VHF (respecta as normas de comunicación).
• Comunicarlle ao Centro de Salvamento, ou á Estación costeira máis próxima, calquera incidencia relativa á seguridade da vida humana, da navegación e sobre a contaminación.
• Practicar regularmente normas de conduta para situacións de emerxencia: home á auga, incendio, abandono, etc.
• Non invadir a zona de bañistas, utilizar as canles sinalizadas, navegar a unha velocidade inferior a 3 nós nas canles e dentro dunha franxa de 200 metros contiguos ás praias non balizadas.

Vixilancia

• Recomendamos un sistema de alarma na propia embarcación ou ben que o porto onde se atope a nosa embarcación dispoña dun sistema de vixilancia.

Coida de tu motor

• Asegúrate de que puxeches un anticonxelante axeitado no sistema de refrixeración interno e de que enxaugaches a auga salgada dos intercambiadores de calor. Tamén é aconsellable encher totalmente o depósito de gasóleo para evitar a condensación.

Coida os equipos eléctricos

• As baterías son fáciles de conservar pero bótanse a perder se non se manteñen durante o inverno. O ideal é cargala cada mes.

Mantén o interior do barco fresco e seco

• Se o interior non se mantén seco durante o inverno, o mofo pode medrar rapidamente a través do barco estragando tapizarías e madeiras.