Bosques, os nosos aliados contra o cambio climático.
En 2023, volve a exposición ‘Bosques, os nosos aliados contra o cambio climático’, un percorrido por 39 fotografías a gran tamaño para poñer en valor a necesidade dunha política de prevención para protexer os nosos bosques e a importancia da educación para conseguilo. ‘Sen bosques, non hai futuro’.
Os bosques cobren o 31% da superficie terrestre. Porén, cada ano pérdense millóns de hectáreas debido á deforestación e á degradación ambiental. Isto provoca graves ameazas tanto para o medio como para a saúde. É fundamental para o benestar do planeta asegurar a restauración forestal e xestionala de forma sostible.
• En Madrid, no Parque del Retiro (Casa de Fieras, Paseo Fernando Núñez, 24), poderase gozar da exposición desde o 26 de maio ata o 31 de xullo de 2023.
• En Vigo, na rúa do Príncipe, poderase ver a mostra desde o 18 de setembro ata o 31 de outubro.
Cambio Climático: como evitar un colapso total
En 2022, a mostra ‘Cambio Climático: como evitar un colapso total’ presentouse en Málaga, Palma de Mallorca, Madrid, Santander, Bilbao e Barcelona e en 2023 fixo unha parada en San Sebastián. Reúne unhas setenta impactantes imaxes que recollen as claves do cambio climático e aborda a evolución do clima e a fraxilidade das paisaxes e a vida en determinadas zonas do planeta.
Durante o percorrido, podemos visualizar nidiamente zonas do planeta que se transformaron para sempre e outras que aínda poden cambiar moito máis se non actuamos: perda de glaciares, migracións animais, floracións fóra de tempo, vagas de calor, cambio de composición das augas mariñas, bosques enfermos ou subida do nivel do mar. Non obstante, esta exposición abre unha porta á esperanza xa que destaca as medidas e accións que se están levando a cabo para frear estes cambios: investigación, protección de espazos naturais, fixación do prezo do carbono i emisións de gases de efecto invernadoiro, aplicación de criterios de sostibilidade i economías de enerxía limpa, agricultura rexenerativa, uso de enerxías renovables…en definitiva, unha chamada de alerta á reflexión e ao compromiso de todos para remediar, na medida das nosas posibilidades, a catástrofe climática.
Reservas da Biosfera
En 2021, coincidindo co 50 aniversario do programa da UNESCO Home e Biosfera (MaB), cuxo obxectivo é mellorar as relacións entre as persoas e o seu medio natural, presentouse en Bilbao, Santander, Madrid e Barcelona a exposición ‘Reservas da Biosfera’, que é un percorrido polo mundo a través de 61 impactantes imaxes que amosan estas zonas de ecosistemas tanto terrestres como mariños, picos montañosos ou abismos oceánicos, dedicadas á exploración dos principios e prácticas do desenvolvemento sostible. Actualmente, contabilízanse 738 Reservas da Biosfera distribuídas en 134 países (53 delas forman parte da Rede Española de Reservas da Biosfera). Son lugares que ofrecen múltiples oportunidades para a investigación en case todos os campos da ciencia e constitúen, en palabras do comisario Joaquín Araújo, “escolas de vida”. Así mesmo, e grazas ao espírito de colaboración ONE AXA entre Fundación AXA España e México, púidose levar a exposición Reservas da Biosfera á Cidade de México en 2021 no parque emblemático as Rejas del Bosque de Chapultepec.
Salvemos os bosques
A exposición amosa a través de 65 imaxes as principais paisaxes boscosas do mundo, os riscos de conservación aos que se enfrontan, as consecuencias nefastas sobre elas dos excesos de ampliación da fronteira agraria, dos aproveitamentos madeireiros insostibles, dos urbanismos mal planificados e da contaminación e a urxencia de poñer en marcha medidas de prevención e protección dos últimos bosques primarios.
